महिला स्वास्थ्य स्वयंसेविकाहरुलाई आधारभुत आँखा स्वास्थ्य तालिम सम्पन्न

सिन्धुली । सिन्धुलीको गोलन्जोर गाउँपालिकामा बिहिबारबाट सुरु भएको  दुई दिने आधारभुत आँखा स्वास्थ्य तालिम शुक्रबार सम्पन्न भएको छ ।
समुदायमा अन्धोपन निवारणका लागि सहयोग पुगोस भन्ने उद्देश्यले सिन्धुलीको गोलन्जोर गाउँपालिका महिला स्वास्थ्य स्वयंसेविकाहरुलाई दुई दिने आधारभुत आँखा स्वास्थ्य तालिम सम्पन्न भएको हो ।
गाउँपालिकामा कार्यरत २१ जना महिला स्वास्थ्य स्वयंसेविकाहरुलाई आफु र नागरिकहरुमा आँखामा आउने समस्याबाट बच्न र बचाउँनका लागि आधारभुत आँखा स्वास्थ्य तालिम प्रदान गरिएको हो ।
गाउँपालिकाले सुनकोशी अस्पातल, भिजन फर द वल्ड, द दिदी फाउण्डेशन र सुनकोशी सामुदायिक अस्पताल खुर्कोटसंगको सहकार्यमा महिला स्वास्थ्य स्वयंसेविकाहरुलाई उक्त तालिमको आयोजना गरिएको हो ।
तालिममा सहभागि महिला स्वास्थ्य स्वयंसेविकाहरुलाई प्रमाण पत्र प्रदान गर्दै तालिमको समापन गरिएको नेपाल रेडक्रस सोसाइटी ग्वालटार उपशाखा सभापति गौरव कार्कीले जानकारी दिनुभयो ।
शुक्रबार गोलन्जोर गाउँपालिकाका उपाध्यक्ष ज्वाला प्रसाद न्यौपाने (पुकार)को प्रमुख आतिथ्यातमा उद्घाटन गरिएको तालिमको शुक्रबार सुनकोसी सामुदायिक अस्पताल खुर्कोटका उपाध्यक्ष नावराज श्रेष्ठको प्रमुख आतिथ्यातमा एक कार्यक्रमका विच समापन गरिएको हो ।
तालिममा आँखा रोग विशेषज्ञ डाक्टरहरु सरोज शाह र डाक्टर त्रिसला चौधरी, बरिष्ठ सामुदायिक आँखा स्वास्थ्य विज्ञ द्धवय विमल पौडेल र राम केसी लगायतले सहजिकरण गर्नुभएको थियो ।
तालिममा गाउँपालिकाका ७ वटा वडाका ३÷३ जना महिला स्वास्थ्य स्वयंसेविकाहरुको सहभागिता थियो ।
तालिममा द दिदी पाउण्डेशनका दिपक आछामी, भिजन फर द वल्डका शिशिर केसी, सामुदायिक अस्पताल ब्यबस्थापक बुद्धिराज श्रेष्ठ, नेपाल रेडक्रस सोसाइटी ग्वालटार उपशाखा सभापति गौरव कार्की लगायतको सहभागिता रहेको थियो ।