सिन्धुलीमा दुर्घटना हुँदा १३ जना घाइते

सिन्धुली । विपी राजमार्ग अन्तरगत सिन्धुलीको सिन्धुलीको सुनकोसी गाउँपालिका ७ खुर्कोट नजिकै कानढुङ्ग्रीमा माइक्रो बस दुर्घटना हुँदा ११ जना घाइते भएका छन् ।
सर्लाहीबाट काठमाण्डौं तर्फ जाँदै गरेको प्रदेश २–०३–००१ ज ०१३२ नम्बरको माइक्रोबास शुक्रबार दिउँसो अनियन्त्रीत भएर दुर्घटना भएको हो ।
जिल्ला प्रहरी कार्यालय सिन्धुलीका प्रमुख गोविन्द राज काफ्लेका अनुसार दुर्घटना वीपी राजमार्ग अन्तर्गत सुनकोसी गाउँपालिका ७ कानढुङ्ग्री नजिक सुनकोशी मरिण डाइभर्सनको बाँध स्थलमा दुर्घटना भएको हो ।
माइक्रोबस दुर्घटना हुँदा घाइते हुनेहरुमा माइक्रोबसका चालक बागमती नगरपालिका २ सर्लाहीका वर्ष ३८ का रुपराज राउत, सोही ठाउँका वर्ष ३८ को महेश कुमार थापा, कृष्णकुमार केसी, लालबन्दी नगरपालिका २ सर्लाही वस्ने वर्ष १८ की खेसाङ लामारहेका छन ।
यस्तै कमलामाई नगरपालिका ९ सिन्धुलीका वर्ष ४९ का काउले माझी, तिनपाटन गाउँपालिका ७ सिन्धुलीका वर्ष ४१ की जमुना काफ्ले सोही ठाउँका रामजी काफ्ले, लालबन्दी ९ सर्लाही बस्तिपुरका अनोज मगर, निजकी दिदि वर्ष २४ की अस्मिता खपाङ्गी, अनोजकी छोरी वर्ष ५ की श्रीया योन्जन र लालबन्दी ७ सर्लाहीका ३१ वर्षका दशरथ यादव रहेका छन् ।
घाइतेमध्ये गाडी चालक राउतको थप उचारका लागि काठमाण्डौंको ट्रमा सेन्टर रिफर गरिएको छ ।
घाइतेहरुको शसस्त्र प्रहरी र नेपाल प्रहरीले उद्धार गरेर खुर्कोट स्थित शुभजिवन अस्पताल र सुनकोसी सामुदायिक अस्पतालमा उपचारका लागि लगिएको छ । माइक्रो बस सडकबाट करिब ३० मिटर तल खसेको छ ।
अन्य १० जना घाइतेको शुभजीवन अस्पताल र सुनकोसी सामुदायिक अस्पताल र धुलीखेल अस्पतालमा उपचार भइरहेको प्रहरीले जनाएको बताइएको छ ।
यसैविच शुक्रबार नै सिन्धुलीका दुधौली नगरपालिका ४ लक्ष्मीपुरमा टाटा सफारी र अटो एक आपसमा ठक्कर खाँदा दुई जना घाइते भएका छन् ।
मदन भण्डारी लोकमार्ग अन्तरत दुधौली नगरपालिका ४ लक्ष्मीपुरमा सिन्धुलीको भिमानबाट दुधौली तर्फ जाँदै गरेको बा १७ च ३६०२ नम्बरको टाटा सफारी र विपरित दिशाबाट आइरहेको को २ ह २९३६ नम्बरको अटो एक आफसमा ठक्कर खाएको थियो । उक्त दुर्घटनामा अटो चालक कटारी नगरपालिका ४ बस्ने वर्ष ४५ का वकिल बहादुर आले र सोही ठाउँकी वर्ष ५० की नरिमाया आलेमगर घाइते भएका छन् ।
घाइते मध्ये नरिमायाँको अवस्था गम्भीर रहेको छ । उनको दाहिने खुट्टा भाँच्चिनुका साथै मुख, टाउको र छातीमा गम्भीर चोट लागको छ ।
उक्त दुर्घटनाका भाईतेको थप उपचारका लागि धुलीखेत अस्पताल पठाइएको प्रहरीले जनाएको छ ।