सिन्धुली : सिन्धुलीमा आयोजित अन्तर विद्यालय स्तिरीय क्रिकेट प्रतियोगिताको उपाधि भगवती माविको क्रिकेट क्लवले जितेकोछ ।
कमलामाई नगरपालिका ६ सिन्धुलीमा रहेको भगवती आवाशिय माविमा रहेको भगवती बाल क्लव द्धारा आयोजित प्रतियोगिताको शनिवार सम्पन्न फाइनल प्रतियोगितामा भगवती माविले उपाधि जितेको हो ।
भगवती बाल क्लवका संरक्षक तथा भगवती माविका प्रिन्शिपल कृष्ण कुमार उप्रेतीका अनुसार प्रतियोगितामा जनज्योति मावि फोस्रेटार उपविजेता बनेको छ ।
जिल्लाका विभिन्न ८ वटा विद्यालय सहभागि रहेको प्रतियोगिताका विजेताले १२ हजार ५ सय नगद, शिल्ड, मेडल र प्रमाण पत्र पाएका छन् ।
यस्तै उपविजेताले ६ हजार नगद सहित, शिल्ड, मेडल र प्रमाणपत्र पाएका छन् । वेष्ट प्लेयरको उपाधि पनि भगवती विद्यालयले नै प्राप्त गरेको छ ।
जिल्लामा अन्तर विद्यालयहरुविच यस्तो क्रिकेट प्रतियोगिता पहिलो पटक आयोजना गरिएको हो ।
अन्तर विद्यालय विचको सम्बन्ध, विद्यार्थीहरुको शारिरिक तथा चौतर्फी विकास, एक आपसविच आपसी सद्भाव र मेलमिलापका साथै अनुशासनका लागि प्रतियोगिताको आयोजना गरिएको क्लवका संरक्षक उप्रेतीको भनाई छ ।
