सिन्धुली । सिन्धुलीको मरिण गाउँपालिकामा पाँचौ अध्यक्षकप रनिङ शिल्ड खेलकुद प्रतियोगिता सुरु भएको छ ।
मरिण गाउँपालिका युवा तथा खेलकुद विकास समितिद्वारा आयोजित प्रतियोगिताको सोमबार गाउँपालिकाका अध्यक्ष विमर्श मोक्तान (प्रख्यात) को प्रमुख आतिथ्यतामा एक भव्य कार्यक्रमका विच उद्घाटन गरिएको हो ।
‘स्वास्थ्यका लागि खेलकुद, राष्ट्रका लागि खेलकुद’ र ‘मरिण गाउँपालिकाको सान, खेलकुद हाम्रो पहिचान’ भन्ने मुलनाराका साथ आयोजित प्रतियोगिता सोमबारबाट मरिण गाउँपालिका ५ को बढिमुहानमा सुरु भएको हो ।
प्रतियोगितामा मरिण गाउँपालिकाका ७ वटै वडाका विभिन्न टोली सहभागिता रहेको छ । प्रतियोगितामा महिला भलिवल, पुरुष भलिवल, तथा पुरुष फुटवल र महिला फुटवल प्रतियोगिता हुने छ ।
प्रतियोगिताका विजेताले शिल्ड, मेडल, प्रमाण पत्र र नगद पुरस्कार प्राप्त गर्नेछन् ।
प्रतियोगिताको उद्घाटनमा जनप्रतिनिधि र कर्मचारीहरुविच मैत्रीपूर्ण फुटवल म्याच भएको थियो ।
प्रतियोगिताको फाइनल प्रतिस्पर्धा आगामी १२ गते शनिवार हुनेछ । प्रतियोगिताको उद्घाटन समारोहमा मरिण गाउँपालिकाका प्रमुख प्रशासकीय अधिकृत विकास सुन्दास, वडाअध्यक्षहरु, नेकपा माओवादी केन्द्र मरिण अध्यक्ष काजिमान थिङ लगायत राजनितिक दलका प्रतिनिधि, कर्मचारी, शिक्षक, विद्यार्थी लगायतको सहभागिता रहेको थियो ।
