सिन्धुली । हरिहरपुरगढी गाउँपालिकाका अध्यक्ष बज्रध्वज वाइबाले भूमि समस्या समाधान आयोग सिन्धुलीका अध्यक्ष कौशल कोइराला लगायतलाई गाउँपालिकामा स्वागत तथा सम्मान गर्नु भएको छ ।
मंगलबार गाउँपालिकामा आयोजित एक कार्यक्रमका विच अध्यक्ष बाइवा, प्रमुख प्रशासकीय अधिकृत दिपेन्द्रकुमार पैकराले भर्खरै नियुक्ति हुनुभएका भूमि समस्या समाधान आयोग सिन्धुलीका अध्यक्ष कौशल कोइराला लगायत जिल्ला मालपोत कार्यालय सिन्धुलीका प्रमुख नीर बहादुर दाहाल, नापी कार्यालय सिन्धुलीका प्रमुख आशिष चालिसे लगायतलाई गाउँपालिकामा स्वागत गर्नुभएको हो ।
गाउँपालिकाका अध्यक्ष बज्रध्वज वाइबाको अध्यक्षतामा भएको स्वागत तथा अन्र्तक्रिया कार्यक्रममा भूमि समस्या समाधान आयोग सिन्धुलीका अध्यक्ष कौशल कोइरालाले अघिल्लो समिति विघटन हुँदा यथावत रहेको कामबाटै पुनः काम सुचारु गरिने बताउनुभयो ।
सरकारले भूमिहीन, दलित, सुकुमवासीलाई जग्गा उपलब्ध गराउन तथा अव्यवस्थित बसोबासीलाई व्यवस्थापन गर्नका लागि भूमि समस्या समाधान आयोग गठन गरिएको बताउँहुँदै उहाँले आफ्नो ३ बर्षको कार्यकाल पश्चात अर्को समिति बनाउन नपर्ने गरी काम गर्ने बताउनुभयो । त्यसका लागि गाउँपालिका,वडा लगायत सुकुमवासीहरु आफैले पनि तदारुकता देखाउन जरुरी रहेको धारणा राख्नुभयो ।
उहाँले जिल्लाको नौ वटै पालिकाकोे रिपोर्ट संकलन तथा अध्ययन गरिने बताउनुभयो । जसका लागि हरिहरपुरगढी गाउँपालिकाबाट नयाँ सुरुवात भएको भएको भन्दै खुसी व्यक्त गर्नुभयो ।
हरिहरपुरगढी गाउँपालिकाका अध्यक्ष बज्रध्वज वाइबाज्यूले भूमिहीन दलित, सुकुमबासी र अव्यवस्थित बसोबासीको समस्या समाधान गर्न बनेको आयोगले कुनैपनि किसिमको प्रतिसोध नराखि तथा प्रश्न उठाउन नपर्ने गरी काम अगाडि बढाउन आग्रह गर्नुभयो । जसका लागि गाउँपालिकाले आवश्यक सहयोग गरिने बताउनुभयो ।
कार्यक्रममा भूमि समस्या समाधान सेवा केन्द्र हरिहरपुरगढीको तर्फबाट राजु उप्रेतीले भूमिहीन दलित, सुकुमबासी र अव्यवस्थित बसोबासीको तथ्याङ्क सहित प्रस्तुतीकरण गर्नुभएको थियो । कार्यक्रममा वडाअध्यक्षहरु,कार्यपालिका सदस्य, राजनितिकदल तथा गाउँपालिकाका शाखागत कर्मचारीहरुको उपस्थिती रहेको थियो ।
