सिन्धुली । जिल्लाको कमलामाई नगरपालिकाले नायव सुब्बा पदको लागि लोक सेवा आयोग तयारी कक्षा संचालन गर्ने भएको छ । यसका लागि इच्छुक व्यक्तिहरुले १५ दिनभित्र आवेदन दिनु पर्ने छ ।
कमलामाई नगरपालिकाका निमिक्त प्रमुख प्रशासकीय अधिकृत सागर कुमार ढकालका अनुसार नगरका विपन्न वर्गलाई लक्षित गर्दै यस्तो तयारी कक्षा संचालन गर्न थालिएको हो ।
नगरमा स्थायी बसोबास गर्ने र आगामी फागुन १२ गतेसम्म १८ वर्ष उमेर पुरा भई ३५ वर्ष ननाघेका पुरुष तथा महिला र अपाङ्गको हकमा १८ वर्ष पुरा भई ४० वर्ष ननाघेका व्यक्तिहरुले १५ दिन अर्थात आगामी फागुन १२ गते भित्र निवेदन दिनुपर्ने छ ।
इच्छुक व्यक्तिहरुले कमलामाई नगरपालिकाको सामाजिक विकास शाखामा निवेदन दिन सक्ने छ । उक्त विषयमा थप जानकारी लिनु परेमा समेत सामाजिक शाखामा बुझ्न सकिने ढकालको भनाई छ ।
कक्षा १२ उतिर्णहरुले मात्र यस्तो कक्षा लिन पाउने छ । निवेदनका साथ शैक्षिक प्रमाणपत्र, नागरिकता, कमलामाई नगरपालिकामा बासोबास गरेको प्रमाणित कागजात, अपाङ्गभएको व्यक्तिहरुले परिचय खुल्ने कागजात सहित सामाजिक विकास शाखाबाट उपलब्ध निवेदन भरेर बुझाउनु पर्ने छ ।
