सिन्धुली । गत असोज ११ र १२ गते आएको बाढीले डुवाउँदा अबरुद्ध भएको सिन्धुलीको सुनकोसी गाउँपालिका ५ मूलकोटस्थित क्वालिटी बिच रिसोर्ट झण्डै पाँच महिनापछि सञ्चालनमा आएको छ ।
गत असोज ११ गते सुनकोसी नदीमा आएको बाढी रिसोर्ट भित्र पस्दा डुवानमा परेको थियो ।
बाढीले क्षति पुग्दा पूर्णरुपमा अबरुद्ध भएको रिसोर्ट झण्डै पाँच महिनाको लगातार प्रयासबाट डुवानमा परेको बालुवा र माटो हटाएर पहिलेकै अवस्थामा संचालनमा ल्याइएको रिसोर्ट सञ्चालक मनोज श्रेष्ठको भनाई छ ।
रिसोर्टलाई पहिलाकै अवस्थामा संचालनमा ल्याउन झण्डै १० करोड रुपैयाँ बराबर खर्च भएको श्रेष्ठको भनाई छ ।
उनले भने, ‘बाढीले रिसोर्टका बाहिरी रभित्र सबै संरचनामा क्षेती पु¥याएको थियो । एकदेखी दुइतलासम्म पूर्णरुपमा माटो र बालुवाले पुरिदिएको थियो । त्यसलाई पन्छाएर सफा गर्ननै धेरै समय लाग्यो । अहिले पुनर्निर्माणमा पहिलाको भन्दा थप आकर्षक र नयाँ डिजाईन सहित निर्माण गरेर संचालनमा ल्याएका हौं ।’
झण्डै ३० करोड लगानीमा स्थापना गरिएका रिसोर्ट २०७८ चैत २ बाट सञ्चालनमा आएको थियो । करिब २५ रोपनी क्षेत्रफलमा फैलिएको रिसोर्ट सुनकोशी नदीमा आएको बाढीले तहसनहस बनाएको थियो ।
क्वालिटी बिच रिसोर्ट सिन्धुली जिल्लाकै उत्कृष्ठ रिसोर्ट हो । पछिल्लो समय मुलकोट होटल तथा रिसोर्टहरुको हव बन्दै गएको थियो ।
राजधानी काठमाण्डौं तथा पूर्व र मध्य तराईबाट वीपी राजमार्ग ओहोर दोहोर गर्नेहरुको मुख्य गन्तव्य बन्दै गएको क्वालीटी बिच रिसोर्ट पुन संचालनमा आएसंगै आन्तरीक तथा बाह्य पर्यटकहरुको चहलपहल समेत बढ्न थालेको छ ।
असोजमा आएको बाढीका कारण यो रिसोर्ट संगै मुलकोटका दर्जनौ रिसार्ट र तथा होटलहरुमा क्षेती पुगेको थियो । बाढीले क्षेती पुगेका मध्ये केही होटलहरु संचालनमा आएपनि अझै केही संचालनमा आउन सकेका छैनन् ।
यस्तै सुनकोसी नदिले क्षेती पु¥याएको गोलन्जोर गाउँपालिका ७ खुर्कोट बजार समेत पूर्ण रुपमा संचालनमा आउन सकेको छैन् । केही स्थानीयले पुनर्निर्माण थालेपनि कतिपयले भोलीका दिनमा पनि नदीमा आउन सक्ने बाढीको जोखिमलाई मध्यनजर गर्दै पुनर्निर्माण थालेका छैनन् ।
बाढी र पहिरोका कारण सिन्धुलीको सनुकोसी, गोलन्जोर, फिक्कल र हरिहरपुरगढीमा सयौं होटल तथा रिसोर्टहरुमा क्षेती पुगेको थियो ।
