ब्याक टु लाईफको सहयोगमा गोलन्जोरमा एकै साथ तिन अस्पताल भवन निर्माण गरिँदै

ग्वाल्टार । ब्याक टु लाईफको सहयोगमा जिल्लाको गोलन्जोर गाउँपालिकमा एकैसाथ तिनबाट अस्पतालको निर्माण थालिएको छ ।
गाउँपालिकाका विभन्नि वडाहरुमा सुविधा सम्पन्न सामुदायिक स्वास्थ्य केन्द्र भवन निर्माण थालिएको हो ।
गाउँपालिकाका उपाध्यक्ष ज्वाला प्रसाद न्यौपानेका अनुसार गाउँपालिकाको घोक्सिला, तीनकन्याको किराँते र माझकुविण्डेमा सामुदायिक स्वास्थ्य केन्द्रको भवन निर्माण थालिएको हो ।
केहीदिन अघि गाउँपालिकाका अध्यक्ष शंकरराज बराल तथा उपाध्यक्ष न्यौपानेले संयुक्त रुपमा एकै पटक अस्पताल भवनको शिलान्यास गरेपनि निर्माण कार्यले तिव्रता पाएको बताइएको छ ।
ब्याक टु लाइफका निर्देशक अच्युत प्रसाद पौडेलका अनुसार गोलन्जोर गाउँपालिकाको वडा नम्बर ४ को किराँते सामुदायिक स्वास्थ्य केन्द्र, माझकुविन्डेमा रहेको तीनकन्या सामुदायिक स्वास्थ्य केन्द्र र घोक्सीला सामुदायिक स्वास्थ्य केन्द्रको भवन एकैसाथ निर्माण थालिएको हो ।
ब्याक टु लाइफ इभि जर्मनी नामक अन्तर्राष्ट्रिय गैरसरकारी संस्था हो । यस संस्थाले सवस्थ्य केन्द्रहरुको भवन निर्माणका लागि ४ करोड ७१ लाख रुपैंया बराबरको लगानी गर्दै छ । ब्याक टु लाइफको स्थानीय साझेदार संस्था समुदाय पद्धति विकास सेवा (सिएसडिएस) सिन्धुलीका ओभरसियर करण कार्कीका अनुसार नेपाल सरकारले तोकेको हेल्थपोस्ट मापदण्ड अनुसार सबै भवनहरुको डिजाइन गरिएको छ ।