एसिड आक्रमणबाट गम्भिर घाइते सिन्धुलीका सुकुरामको उपचारका क्रममा निधन

सिन्धुली  । एसिडआक्रमणबाट गम्भिर घाइते भएका सिन्धुलीको तिनपाटन गाउँपालिका ३ कोटगाउँका ४१ वर्षीय सुकुराम दमाईको उपचारको क्रममा मृत्यु भएको छ ।
काठमाडौंको कीर्तिपुर अस्पतालमा उपचाररत उनको विहान ९ बजेर ३९ मिनेट मृत्यु भएको अस्पतालले जनाएको छ ।
मृतकका दाजु बुधराम दमाईका अनुसार ज्याला मजदुरीका लागि केही समय अगाडी देखि काभ्रे जिल्लाको रोशी गाउँपालिका बस्दै आएका सुकरामलाई गत चैत्र १७ गते आइतबार बेलुकी करिव साँढे ७ बजे एसिड आक्रमण भएको थियो ।
एसिड आक्रमणबाट ४५ प्रतिसतबढी शरिर जलेका सुकरामको उपचारको करिव एक महिनाको उपचारपछि मृत्यु भएको हो ।
उनिमाथी बेलुकाको समयमा कामबाट फर्की खाना खान बसीरहेको अवस्थामा केही समुहमा आएका व्यक्तिहरुले एक्कासी एसिड आक्रमण गरेका थिए ।
आक्रमणबाट उनको टाउँको, अनुहार, घाँटी, छाति, ढाड, कम्मर, तिघ्रा एवम वायाँ हात सहित शरिरको करिव ४५ प्रतिशत भाग जलेको अस्पातलले जनाएको छ ।
उनीमाथि एसिड प्रहार गरेको आरोपमा प्रहरीले केहीलाई पक्राउ गरि अनुशन्धान समेत थालेको जनाएको छ । उक्त घटनामा घटनामा संलग्न अन्य व्यक्तिहरुको समेत खोजीकार्य भईरहेको काभ्रे प्रहरीले जनाएको छ ।
उक्त घटनामा संलग्न सवै दोषीहरु उपर कडा भन्दा कडा कानूनी सजाय र जरिवाना हुनपर्ने तथा मृतकको परिवारले उचित क्षतिपूर्ति सहितको न्याय पाउनुपर्ने पिडितका दाजु बुधराम दमाईको माग छ ।