सिन्धुली । सिन्धुलीमा प्रहरीले लागू औषध सहित दुई जनालाई नियन्त्रणमा लिएको छ ।
शुक्रबार कमलामाई नगरपालिका ९ स्थित इलाका प्रहरी कार्यालयको चेकजाँचका क्रममा दुई जनालाई लागु औषध सहित पक्राउ गरिएको सिन्धुली प्रहरीले जनाएको छ ।
जिल्ला प्रहरी कार्यालय सिन्धुलीका प्रवक्ता तथा प्रहरी नायव उपरिक्षक सूर्य प्रकाश सुवेदीका अनुसार दिउँसो पौने दुई बजे बपी राजमार्ग हुँदै जनकपुरबाट काठमाण्डौंतर्फ जादै गरेको प्रदेश २–०२–००३ प ७६३४ नम्बरको मोटरसाइकल चेकजाँच गर्दा चालक धनुषा शहिद नगरपालिका ८ धनुषा बस्ने बर्ष २२ को रजनिश यादबलाई नाइट्राजिपाम २८ ट्याबलेट, स्पासमो ८ ट्याबलेट सहित नियन्त्रणमा लिइएको हो ।
‘यादवले पछाडी भिरेको झोलामा उक्त लागु औषध लुकाई छिपाई बोकेको पाइएको र उनि सवार मोटरसाइकल सहित निन्त्रणमा लिइएको छ,’ सुवेदीले भने ।
यस्तै शुक्रबारनै प्रहरीले भिमानबाटै थप एक जना लागु औषध कारोबारीलाई नियन्त्रणमा लिएको छ । काकरभिट्टाबाट काठमाण्डौतर्फ जादै गरेको बा ५ ख ६०२३ नम्बरको हायसमा सवार मिक्लाजुङ गाउँपालिका १ मोरङ बस्ने बर्ष ३१ को बद्री पुरीलाई हातमा बोकेको प्लास्टिक भित्र कालो प्लास्टिकमा पोको पारी लुकाईछिपाई बोकेको खैरो हिरोइन सहित नियन्त्रणमा लिइएको हो ।
उनको साथबाट लागुऔषध खैरो हिरोइन जस्तो देखिने गिलो पदार्थ ५ दशमलव ८७० ग्राम (प्लास्टिक बाहेक), फेला पारी इलाका प्रहरी कार्यालय भिमानमा ल्याई अनुसन्धान थालिएको प्रहरीले जनाएको छ ।
