सिन्धुली । देशमा भ्रष्टाचार, सुशासन र सामाजिक संजालमाथी लगाइएको प्रतिबन्धका विरुद्ध जेनजी पुस्ताको आन्दोलनमा मृत्यु भएकाहरु प्रति शोक व्यक्त गर्दै सिन्धुलीको मरिण र सुनकोसी गाउँपालिकाले मंगलबार शोक वदा दिएका छन् ।
आन्दोलनमा १९ जनाको मृत्यु र सयौं घाईते भएपछि मरिण गाउँपालिकाले एक विज्ञप्ती जारी गर्दै मंगलबार पालिकाभरका कार्यालयहरुमा सार्वजनिक विदा दिने निर्णय गरेको हो ।
गाउँपालिका अध्यक्ष विमर्श मोक्तानले एक विज्ञप्ती जारी गर्दै मृतक प्रति भावपूर्ण श्रद्धान्जली अर्पण गर्दै घाइतेहरुको सिघ्र स्वास्थ्य लाभको कामना गरिएको छ ।
विज्ञप्तीमा सूचनामा युवाहरुको आवाजलाई राज्यले सुन्ने र अनुकुल वातावरण सृजना गर्नुपर्ने आवश्यकता रहेको समेत उल्लेख गरेको छ ।
यस्तै सुनकोसी गाउँपालिकाका निमिक्त प्रमुख प्रशासकीय अधिकृत विपी लामाले एक विज्ञप्ती जारी गर्दै मंगलबार गाउँपालिका अन्तरगतका शैक्षिक संस्था संगै सबै कार्यालयमा शोक विदा दिइएको उल्लेख छ ।
