मंगलबार सिन्धुलीका शैक्षिक संस्थामा बिदा

सिन्धुली । जेनजी पुस्ताको आन्दोलनको कारण सिन्धुलीका शैक्षिक संस्थामा बिदा दिइएको छ ।
जेनजी पुस्ताको आन्दोलनका क्रममा सरकारले दमन गर्दा १९ जनाको मृत्यु भएको र सयों घाइते भएको भन्दै जिल्लाका शैक्षिक संस्थाहरुले मंगलबार शोक विदा दिने निर्णय गरेका हुन् ।
जिल्लाको मरिण र सुनकोसी गाउँपालिका अन्तरगतका सामुदायिक तथा निजी सबै विद्यालयहरुका साथै अन्य पालिकाका निजी विद्यालयहरु मंगलबार विदा दिने निर्णय भएको हो ।
मरिण र सुनकोसी गाउँपालिकाले शोक विदा दिने निर्णय गरेका हुन् भने नजी विद्यालयहरु पनि सूचना जारी गर्दै शोक विदा दिने निर्णय गरिएको एनप्याब्सनका केन्द्रीय उपाध्यक्ष तथा भगवती अंग्रेजी स्कुलका अध्यक्ष कृष्ण कुमार उप्रेतीले जानकारी दिए । जिल्लामा प्याब्सनले समेत विदा दिने निर्णय गरेको छ ।
सोमबार जेनजी पुस्ताले सिन्धुलीमा समेत सरकार विरुद्ध प्रद्धर्शन गरेका थिए ।