जनयुद्ध दिवसको अवसरमा सिन्धुलीमा मैत्रीपूर्ण फुटबल प्रतियोगिता सम्पन्न

सिन्धुली । ३० औंं जनयुद्ध दिवसको अवसरमा सिन्धुलीमा मैत्रीपूर्ण फुटबल प्रतियोगिता आयोजना गरिएको छ ।
नेकपामा माओबादी केन्द्र निकट योङ कम्युनिष्ट लिग (वाइसिएल) नेपाल जिल्ला कमिटि र अखिल (क्रान्तिकारी) जिल्ला कमिटिबीच मैत्रीपूर्ण फुटबल प्रतियोगिता सम्पन्न भएको हो ।
दुबै कमिटिको संयुक्त आयोजनामा सिन्धुलीमाढी स्थित खम्बेचौरमा प्रतियोगिताको आयोजना गरिएको हो ।
नेकपा माओवादी केन्द्रका केन्द्रीय सदस्य तथा जिल्ला इन्चार्ज बुद्धिमान माझी (बसन्त)ले रेफ्रिलाई बल हस्तान्तरण गरेपछि सुरु भएको मैत्रीपूर्ण फुटबल प्रतियोगितामा वाइसिएल नेपाल सिन्धुलीले जित हात पारेको छ ।
वाइसिएल नेपालले अखिल क्रान्तिकारीलाई तीन गोल अन्तरले पराजित गरेको हो । वाइसिएल नेपालका लागि दर्शन भण्डारीले दुई गोले गरेका थिए भने राजकुमार श्रेष्ठ (उत्साह) ले थप १ गोल गरेका थिए ।
प्रतियोगितामा अखिल क्रान्तिकारीले गोल गर्न सकेन । प्रतियोगितामा सहभागि खेलाडीहरुलाई पुरस्कार तथा सम्मान प्रदान गरिने आयोजक अखिल क्रान्तिकारीका अध्यक्ष सुमन रानाले जानकारी दिए ।
प्रतियोगितामा माओवादी केन्द्रका जिल्लास्तरीय नेताहरू, युवा, विद्यार्थी र दर्शकहरूको सहभागीता रहेको थियोे ।