सिन्धुली । सिन्धुलीको सुनकोसी गाउँपालिकामा रक्तदान गरिएको छ ।
३० औंं जनयुद्ध दिवसको अवसरमा नेकपा माओवादी केन्द्र सुनकोसी गाउँ कमिटिद्धारा रक्तदान कार्यक्रमको आयोजना गरिएको हो ।
नेपाल रेडक्रस सोसाईटी सिन्धुली, रक्तसञ्चार केन्द्रको प्राविधिक सहयोग र सुनकोशी र पुरानो झाँगाझोली उपशाखाको सहयोगमा माओवादी केन्द्र सुनकोशी गाउँकमिटिले ३० औं जनयुद्ध दिवसको अवसर पारेर रक्तदान कार्यक्रमको आयोजना गरिएको उक्त गाउँकमिटिका अध्यक्ष नेत्र रानाले जानकारी दिए ।
रक्तदान कार्यक्रममा झन्डै ३७ जना नेता कार्यकर्ताहरुले रक्तदान गरेका छन् । रक्तदानमा माओवादी केन्द्र सुनकोशी गाउँकमिटिका अध्यक्ष नेत्र राना, पार्टी इन्चार्ज भेषराज दाहाल, सुनकोशी गाउँपालिका अध्यक्ष दिपा बोहोरा दाहाल, नेरेसो जिल्ला शाखा उपसभापति महेश्वर कोइराल , प्रमुख प्रशासकीय अधिकृत अर्जुन दर्जी लगाएतको सहभागिता रहेको थियो । जनयुद्ध दिवसको अवसरमा पार्टीले दिपप्रज्वलन समेत गरेको छ ।
