सिन्धुली । सुनकोसी र भोटेकोसी आसपासका बस्तिहरुमा बाढीको जोखिमलाई मध्यनजर गर्दै पूर्व सतकर्ता अपनाउन जिल्ला प्रशासन कार्यालय सिन्धुलीले आग्रह गरेको छ ।
छिमेकी राष्ट्र चीनको तिब्बत क्षेत्रको न्यालममा वर्षा भईरहेको र थप वर्षा हुनसक्ने सम्भावनालाई मध्यनजर गर्दै त्यसका कारण नेपाल तर्फ सुनकोशी तथा भोटेकोशी नदी आसपास डुबान तथा बाढीको जोखिम बढ्न सक्ने भन्दै जिल्ला प्रशासन कार्यालय सिन्धुलीले सतर्कता अपनाउन आग्रह गरेको हो ।
जिल्ला प्रशासन कार्यालय सिन्धुलीका प्रशासकीय अधिकृत प्रविण कटवालले मंगलबार सुचना जारी गर्दै सुनकोशी र भोटेकोसी नदीमा बाढी आउन सक्ने भन्दै नदी तटियक्षेत्रमा रहेका नागरीकहरुलाई सतर्कता अपनाउन आग्रह गरेका हुन् ।
सिन्धुलीको सुनकोसी, गोलन्जोर र फिक्कल गाउँपालिका अन्तरगत नदी किनारका बासिन्दा र बीपी राजमार्ग र मध्य पहाडी लोकमार्ग प्रयोग गरेर सवारी चलाउँदा सचर्तकता अपनाउन आग्रह गरिएको हो ।
यस क्षेत्रमा गत असोज ११ र १२ गते रोशी र सुनकोसी नदीमा आएको बाढीका कारण ठुलो क्षेती पुगेको थियो ।
पुनः नदीमा आउने बाढीले जनधनको क्षेती पु¥याउन सक्ने भन्दै पहिलानै सतर्क रहन नागरीकहरुलाई आग्रह गरिएको प्रशासनले जनाएको छ ।
