सिन्धुलीमा बोलेरो र मोटरसाइकल ठोक्किदा दुई गम्भिर घाइते

सिन्धुली  । मदनभण्डारी राजमार्ग अन्तगत सिन्धुलीको कमलामाई नगरपालिका–९कोरुङखोलामा दुई सवारी एक आपसमा ठोक्कीएर दुर्घना हुँदा दुई जना गम्भिर घाइते भएका छन् ।
आइतबार बर्दिबासबाट कटारीतर्फ जाँदै गरेको ज १२ प ७२६६ नम्बरको मोटरसाइकल कटारीबाट भिमानतर्फ आउँदै गरेको प्रदेश १–०१–००१ च ७६६५ नम्बरको पिकअप बोलेरो एकआफसमा ठक्करखादा मोटरसाइकलमा सवार दुइजना गम्भिर घाइते भएका हुन् ।
जिल्ला प्रहरी कार्यालय सिन्धुलीका प्रमुख लालध्वज सुवेदीका अनुसार मोटरसाइकलमा सवार मोटरसाइकलका चालक बर्दिबास नगरपालिका–१ बस्ने अन्दाजी ४० का मंगल मोक्तान र मोटरसाइकलको पछाडि सवार बर्दिबास नगरपालिका–१ बस्ने अन्दाजी ३० वर्षका सन्दिप घिसिङ गम्भीर घाइते भएका छन् ।
दुर्घटनापछि स्थानीयको सहयोगमा घाइते दुवै जनालाई तत्काल उपचारका लागि जनसेवा अस्पताल बर्दिबासतर्फ पठाइएको थियो । प्रारम्भिक उपचारपछि उनीहरूको अवस्था गम्भीर रहेको जनाउँदै थप उपचारका लागि ललितपुरस्थित बी एन्ड बी अस्पताल ग्वार्कोमा रिफर गरिएको सुवेदीको भनाई छ ।
दुर्घटनमा पिकअप बोलेरो चालक इलाम जिल्लाको देउमाई नगरपालिका–७ बस्ने अन्दाजी ३१ वर्षका विनोद कुमार तामाङ र बोलेरोलाई प्रहरीले नियन्त्रणमा लिएको छ ।