सिन्धुली । सिन्धुलीको खुर्कोटमा इलाका प्रशासन कार्यालय स्थापना गर्न माग गरिएको छ । शुक्रबार सुनकोसी गोलञ्जोर र फिक्कल गाउँपालिकाका जनप्रतिनिधिहरुले तिनवटै पालिकाको केन्द्रविन्दु हुनेगरी गोलन्जोर गाउँपालिका ७ खुर्कोटमा इलाका प्रशासन कार्यालय स्थापना गर्न माग गरेका हुन् । सुनकोसी गाउँपालिकाकी अध्यक्ष दिपा बोहोरा दाहाल, गोलन्जोर गाउँपालिकाका अध्यक्ष शंकरराज बराल र फिक्कल गाउँपालिकाकी अध्यक्ष पार्वती सुनुवारले संयुक्त रूपमा प्रमुख जिल्ला अधिकारी दिनेश सागर भुसालमार्फत गृह मन्त्रालयलाई सिफारिस गर्न माग गरेका हुन् । तिनवटै पालिकाका अध्यक्षहरुले छुट्टाछुट्टै ध्याकर्षण पत्र बुझाउँदै जिल्लाका सुनकोसीगढतिर क्षेत्रका पालिकाहरुलाई लक्षित गर्दै खुर्कोटमा इलाका प्रशासन कार्यालय स्थापना गर्न माग गरेका हुन् । जिल्लाको सुनकोसीगढतिर क्षेत्रका पालिकाका नागरिकहरु नागरिकता लगायत…
