सिन्धुली । सिन्धुलीको कमलामाई नगरपालिकाले आगामी आर्थिक वर्ष २०८२÷०८३ का लागि नीति तथा कार्यक्रमसंगै बजेट सार्वजनिक गरिएको छ । मंगलबार १६ औं नगरसभा अधिवेशनको पहिलो बैठकमा नगर प्रमुख उपेन्द्र कुमार पोखरेलले नीति तथा कार्यक्रम र उपप्रमुख मञ्जु देवकोटाले बजेट सार्वजनिक गरेका हुन् । नीति तथा कार्यक्रम सार्वजनिक गर्दै नगर प्रमुख पोखरेलले ‘प्रदेशको ज्ञान, कमलामाईमा योगदान’ भन्ने मूल नारालाई आत्मसात गर्दै बजेट र कार्यक्रमहरू तयार गरिएको बताए । उनले विदेशबाट फर्केका युवाहरूलाई लक्षित गर्दै कृषि, रोजगार र व्यवसायमा प्राथमिकताका साथ आबद्ध गराउने गरी नीति तय गरिएको जानकारी दिए । ‘कमलामाईलाई समुन्नत, सुरक्षित र समावेशी नगर बनाउने हाम्रो दीर्घकालीन लक्ष्य हो ।…
